ارنا کے مطابق حزب اللہ لبنان نے بیانات جاری کرکے بتایا ہے کہ اس نے مقبوضہ فلسطین ميں متعدد صیہونی کالونیوں پر میزائلوں اور راکٹوں سے حملے کئے ہیں۔
حزب اللہ لبنان نے کہا ہے کہ حیفا کے شمال میں واقع الکریوت، نہاریا، اور معالوت ترشیحا صیہونی کالونیوں پر میزائلوں اور راکٹوں سے حملے کئے گئے ہیں۔
غاصب صیہونی حکومت کے اندرونی محاذ نے بھی بتایا ہے کہ لبنان سے مقبوضہ فلسطین کے اندر میزائلی حملوں کے بعد ایون مناحم، الجلیل العلیا، اور کفر زیتیم نامی علاقوں میں خطرے کے سائرن بج اٹھے۔
حزب اللہ لبنان نے سنیچر کی دوپہر بھی ایک بیان جاری کرکے بتایا تھا کہ اس نے غزہ کے عوام اور فلسطین نیز لبنان کے استقامتی مجاہدین کی حمایت میں آج صبح نو بجے حیفا کے شمال میں واقع زوفولون فوجی کارخانے کو بھی متعدد میزائلوں سے نشانہ بنایا ہے۔
آپ کا تبصرہ